Descrição

Escoito a Silvio Rodríguez. É un CD que reproduce cancións de outrora. A música e a voz soan coma se o tempo non pasase, como a túa imaxe nos meus soños e nas miñas lembranzas. Por min si pasa o tempo, moito máis do que nin ti nin eu imaxinabamos cando estabamos xuntos, viviamos xuntos. O tempo pasou e, confésoo, pésame, arrástroo… Coido que chegou o momento de soltar lastre, meu amor. Durante todos estes anos, desde o mesmo instante en que te sobrevivín, fíxenme cargo da túa memoria. Foi algo inevitable, amábate, eras o meu compañeiro e o pai da nosa filla, Lucía, que non te ía recordar. Debería transmitirlle eu a túa presenza, preservala da orfandade a través dos meus recordos. A partir dese momento comezou unha carreira contra o tempo, ese tempo que, supoñías...